उंबरठा

चाळीशीच्या उंबरठ्यावर उभी असताना,
संसाराचा सारीपाट मी खेळीते.
मुलांबाळांमध्ये रमत असताना,
आयुष्याचे विविध रंग मी वेचिते.

माजघराकडे वळून बघताना ,
नजर माझी खिळून राहिली.

चूल-बोळकी, खेळणं-पीठ,
लहान बाहुली खुणावु लागली.
काच-कवडी,जिबली ,फ़ुगडी,
उड्याची दोरी,घातली लंगडी.

बाहुला-बाहुलीचे लग्न लावले,
व-हाडी जमले मित्र सारे,
वाजंत्री वाजली,जिलेबी खाल्ली,
रुसवा-फ़ुगवा झाला देखावा,
विहिण रुसली,व्याही हसले,
अखेर नवरी तुमचीच म्हटली
भांडणे मिटली, खेळ संपला,
बघणारी सारी हसत राहिली

हसतात तर हसू दे
बघतात तर बघू दे

चाळीशीच्या उंबरठ्यावर उभी असताना
संसाराचा सारीपाट खेळ खेळताना
आई, काकी, मामी, आत्या
सुरेख नाती निभावता निभावता
आयुष्याचे विविध रंग वेचताना
दिवाणखान्याकडे नजर वळली

बॉयकट, शॉर्ट मधली लेक माझी
नेलपेंट लावत एम.टी.व्ही बघत होती,
कॉम्प्युटर, मोबाईल हाताळत होती,
ट्युशन व्यक्तिमत्व शिबीरात रमत होती,
अभ्यासाच्या ओझ्याखाली मेरीट मध्ये येत होती,
नविन विचार करत होती,
स्वातंत्र्य आपले जपत होती.

पण बालपण आपले विसरत होती.
बालपण विसरता हसत होती
हसता हसता म्हणत होती,

“किरण, ऐश्वर्या, कल्पना
आदर्श आहेत आम्हाला
स्वावलंबी बनतो आहोत
जागृत जीवन जगत आहोत.

ना कुणाची भिती आम्हां
ना कुणाची तमा आम्हां
समतेचे हे वारे वहाते
आम्हांस कुणी न कमी लेखणे
खांद्यास खांदा भिडवुनी
पाऊल आमचे पडती पुढे

रक्षक या भक्षक समाज,
आम्हीं ना नतमस्तक तयास
चिरडूनी या फ़ाडूनी टाकीन,
दोन हात सत्वरी दावीन
अबला न आम्ही सबला नारी"

या देशाची शान वाढवी
संस्कृतीचे स्मरण करता,
सहनशीलतेचे धडे गिरविते
उद्याच्या उज्ज्वल भविष्यासाठी
उंबरठ्यावरचे माप ओलांडते
उंबरठ्यावरचे माप ओलांडते...

--
पल्लवी कुलकर्णी
pallavikularni@gmail.com

1 comments:

टिप्पणी पोस्ट करा

शुभ दीपावली! आपल्या प्रतिक्रियांमुळे उत्साह निश्चितच वाढणार आहे.

मोगरा फुलला दीपावली अंकाबद्दलचा आपला अभिप्रायही अवश्य नोंदवा.

काही सूचना किंवा सल्ले द्यायचे असतील तर इथे क्लिक करा.

वरील साहित्यावरही आपली प्रतिक्रिया अवश्य द्या.

धन्यवाद.

Creative Commons License
मोगरा फुलला ई-दीपावली अंकामधील कोणत्याही प्रकारचे साहित्य हे Creative Commons Attribution-NonCommercial-NoDerivs 3.0 Unported License च्या अंतर्गत सुरक्षित आहे. अंकातील साहित्याच्या पुन:प्रकाशनाचे व्यापक अधिकार हे अंकातील साहित्य कोणत्या प्रकारचे आहे, यावर अवलंबून आहेत.


© 2011 Mogaraa Fulalaa. मोगरा फुलला ई-दीपावली अंक हा ’मोगरा फुलला’चाच एक भाग आहे. मोगरा फुलला ई-दीपावली अंकात प्रकाशित झालेल्या साहित्याचे सर्व हक्क हे त्या साहित्याच्या मूळ निर्मात्यांकडेच सुरक्षित आहेत. मोगरा फुलला दीपावली अंकाच्या प्रकाशित होणा-या आवृत्तीमधील कुठल्याही साहित्याच्या पुन:प्रकाशनासाठी संबंधित साहित्याच्या मूळ निर्मात्यांशी संपर्क साधावा अथवा मोगरा फुलला ई-दीपावली अंकाच्या संपादकांशी mogaraafulalaa@gmail.com या आयडीवर संपर्क साधावा.